A Maratón de Culleredo posponse ata o outono para non perxudicar á carreira na Coruña do 15 de abril

A organización da proba mantén a súa intención de facela cando o calendario o permita.
O 6 de maio celebrarase no seu lugar unha carreira pedestre nas parroquias de Rutis e O Burgo

O número de Castelo Deporte: 70.211

Coa chegada do Nadal, a asociación Castelo Deporte retoma a tradición da lotería do 22 de decembro co número 70.211, á venda en participacións de dous euros a partir deste martes

Castelo Deporte prepara unha edición especial da súa revista trimestral para primeiros de decembro

A publicación incluirá toda a información sobre as intencións da asociación para 2012, unha entrevista co presidente da entidade, o equipo de voluntarios para o novo ano ao completo, e a descrición pormenorizada de todas as actividades a realizar a partir do mes de febreiro. Baixo o titular 'Trenzando o futuro', a Revista Castelo Deporte publicarase por primeira vez a toda cor e terá unha maior presenza de contidos gráficos.
Por outra banda, Castelo Deporte pretende ofrecer a revista de balde en diferentes puntos. Ademais do Centro Social de Castelo e do bar Casa Rodríguez, a publicación poderá recollerse na Casa da Mocidade de Culleredo (O Burgo).
Esta iniciativa súmase á decisión da asociación de exteriorizar o seu traballo e favorecer a posibilidade de chegar a un público máis numeroso a través de establecementos colaboradores ao longo de toda a área de influencia de Culleredo.