A 'Travesía do Xalo' mantén a tendencia da primeira edición con xa máis de vinte inscritos en menos dunha semana. O 'Descenso ao Xalo', que Castelo Deporte organiza en colaboración co clube School Riders Team, ten xa máis de quince corredores anotados. O 'Castelo Non Para', a piques de chegar ao límite de doce equipos e pechar o proceso de xeito anticipado.
Comunicado da Xunta Directiva
Castelo Deporte aclara a súa posición e as súas intencións para evitar especulacións sobre a problemática da entidade coa Asociación de Veciños de Castelo
A II Travesía do Xalo abre o proceso de inscrición
Durante o mes de marzo terán un prezo reducido de 10 euros. Poden realizarse a través da web oficial do evento mediante un formulario online. As prazas son limitadas, a 200 tanto para carreira como para andaina, e a organización agarda repetir o éxito do pasado ano.
Castelo Deporte presenta a súa programación de actividades para 2011 cunha imaxe de renovación
Coa estréa das webs da II Travesía do Xalo, o Castelo Non Para e o Descenso ao Xalo, a asociación cullerdense pon en marcha o seu plan de actividades para 2011 cunha campaña de captación de socios baixo o título 'MEDRANDO.COM'
O 'Castelo Non Para' abre inscricións na web
Dende hoxe a ata o 20 de marzo os equipos interesados poderán inscribirse cubrindo o formulario que poden atopar na web oficial do evento en CASTELODEPORTE.ORG
O clube School Riders Team e Castelo Deporte programan o 'Descenso ao Xalo' para o 17 de abril
Previsiblemente será a próxima semana cando a Federación Galega de Ciclismo reciba a solicitude para realizar a proba, que organizan conxuntamente o clube cullerdense coa asociación Castelo Deporte. Trátase dun descenso mountain bike con meta en Peiro de Arriba.
MEDRANDO.COM, novo proxecto de Castelo Deporte
Trátase da campaña de captación de socios para 2011. Nunha web sinxela e clara, a asociación preséntase e traza as liñas básicas da súa filosofía e os seus obxectivos fundamentais. Castelo Deporte pretende triplicar o número de socios actuais a finais de ano.
Castelo Deporte pasa á acción e solicitará a afiliación na Asociación de Veciños de Castelo esta semana
A directiva de Castelo Deporte acorda solicitar o ingreso na entidade veciñal de Castelo como persoa xurídica e logo da aprobación do seu órgano de goberno, segundo recollen os estatutos da organización, consultados por membros da asociación cultural e deportiva.
Ánimo Bichi!
Brais Regueiro participa dende hai tres anos no campionato de fútbol sala que Castelo Deporte celebra a derradeira semana do mes de agosto, proclamándose campión do mesmo na última edición. Ademais, foi nomeado mellor xogador da Liga de Fútbol Culleredo Mocidade o pasado mes de xuño, e durante o pasado ano foi a imaxe da asociación na campaña de captación de socios 'Lévote no corazón'. Desde este ano xoga no Mera F.S.
Suscribirse a:
Entradas (Atom)
