Inscricións abertas para a terceira edición da Travesía do Xalo, prevista para o 22 de abril

Castelo Deporte lanza a web do evento, na que xa é posible anotarse tanto na modalidade de andaina como de carreira. Por primeira vez a proba será puntuable para a Copa Galega de Carreiras por Montaña, grazas a un acordo de colaboracion coa Sociedade de Montaña Ártabros

Tres semanas para dar outro paso adiante

Castelo Deporte recupera o tempo dos grandes retos con tres actividades deportivas en Culleredo, nas que participarán máis dun milleiro de persoas en menos de vinte días. Varios voluntarios da asociación valoran nesta reportaxe o que suporán estas tres semanas de traballo

Inscricións abertas a través da web para a proba inaugural do Open de Galicia de DH o 29 de abril

O Descenso ao Xalo lanza hoxe a súa web oficial, www.descensoaoxalo.com, con toda a información para participar ou asistir como público a un dos eventos deportivos máis agardados do ano en Culleredo. School Riders e Castelo Deporte organizan conxuntamente a proba

O Descenso ao Xalo cambia de data para non coincidir co Celta - Depor do 15 de abril

Castelo Deporte e School Riders deciden celebrar a proba a fin de semana do 28 e o 29 de abril para non verse perxudicados polo derbi galego na asistencia de público e voluntarios da organización. Mantense este mércores como data de apertura das inscricións online

Castelo Deporte abre este mércores as inscricións para o Descenso ao Xalo e a Travesía do Xalo

Será coa publicación das webs oficiais cando queden abertos os procesos de inscrición, que se prolongarán ata tres días antes da celebración de cada unha das probas. A asociación aposta por manter case todas as taxas do pasado ano para favorecer a participación

Unha madrugada de fútbol sala

O Castelo Non Para cuadriplicou a asistencia de público ao maratón en relación coa pasada edición. Ás cinco da madrugada, ao redor dun cento de persoas enchía as gradas de Tarrío

Romar faise coa segunda edición do Castelo Non Para nos penaltis dunha final de alta tensión

Un gol de 10 x Cabeza nun dobre penalti nos últimos segundos do partido levou a final ata as oito da tarde do domingo, cando unha parada de Buxía e o acerto de Romar decantaron o resultado para os de Arteixo, que recibiron o premio de 1000 euros

Juan Varela (La Opinión de A Coruña)

Castelo Deporte prepara unha ampla cobertura a través das redes sociais para o Castelo Non Para

Baixo a etiqueta en Twitter #castelononpara poderá seguirse todo o que aconteza en Tarrío esta fin de semana. Dúas persoas da organización estarán pendentes en todo momento das redes sociais oficiais do evento e publicarán os resultados e as crónicas dos partidos

Trinta e cinco partidos conformarán o calendario do 'Castelo Non Para' segundo o sorteo desta tarde

Serán catorce os equipos participantes, case o dobre dos inscritos na pasada edición. Loitarán por un premio de 1000 euros en eliminatorias que se desenvolverán de xeito ininterrumpido durante vintecatro horas. O polideportivo de Tarrío será o escenario do maratón